Kamfanin Dillancin Labaran Hauza ya bayar da rahoton cewa domin tunawa da zagayowar ranar da lamarin Mubahala ya faru, an sake buga wani bangare na bayanan Ayatullah Shahid Khamenei (Allah ya kara masa yarda) wanda a cikinsa ya yi bayanin muhimmancin wannan batu. Wadannan kalamai an bayyana su ne a ranar 22 ga watan Azar na shekarar 1388 (Disamba 2009):
Mubahala; Fagen Rarrabe Gaskiya Da Karya
Ranar Mubahala, rana ce da Manzon Musulunci mai daraja ya zo da mafi soyuwar mutane a gare shi zuwa fagen fama da muhawara.
Gaɓa mafi muhimmanci a kan batun Mubahala ita ce: Akwai fadin Allah na "Anfusana wa Anfusakum" (Kanmu da kanku) a cikinta; akwai "Nisa'ana wa Nisa'akum" (Matanmu da matanku) a cikinta; Annabi mai daraja ya zabi mutane mafi soyuwa a gare shi kuma ya kawo su fagen domin gudanar da muhawara wadda a cikinta ya kamata rabe-raben da ke tsakanin gaskiya da karya da kuma babban ma'auni na fito da gaskiya su bayyana a gaban idon kowa.
Babu wani tarihi da ya gabata a baya inda a cikin hanyar isar da sako na addini da bayyana gaskiya, Annabi ya kama hannayen mutane mafi soyuwa a gare shi, 'ya'yansa, 'yarsa mace, da kuma Amirul Muminina — wanda shi ne dan uwansa kuma magajinsa — ya kawo su tsakiyar fage; daukaka da ke tattare da ranar Mubahala ta banbanta da sauran abubuwa ta wannan sigar.
Wannan yana nufin nuna yadda bayyana gaskiya da isar da ita yake da matukar muhimmanci; ya zo da su fagen da wannan da'awar yana cewa: 'Ku zo mu yi mubahala; duk wanda yake kan gaskiya a cikinmu ya rayu, kuma duk wanda yake akasin gaskiya a cikinmu, to a tumbuke (kawar) shi da azabar Ubangiji.'
Ra'ayinka